撑粤语，使唔使搞到咁激？

    上次翻广州，陪我妈同一对年轻夫妇饮茶。发现佢哋两个都喺广州人，但却同自己个女讲普通话。我觉得好奇怪，问点解，佢哋话，幼稚园全部都讲普通话，所以佢哋咪顺住小朋友一齐讲普通话。

    我喺移民第二代，屋企喺唔讲粤语嘅。但因为对粤语有深厚嘅感情，为此事仍觉悲哀。

    喺网上见到8月1日撑粤语行动如此收场，更加觉得悲哀。

    发生冲突嘅双方都讲粤语。阿sir甚至话：各位街坊，大家翻去啦。离开太耐，我甚少听人用“街坊”呢个词，既亲切又心酸。今次用呢个词嘅语境，喺发生冲突嘅场合。同“街坊”发生冲突，唔通真喺佢哋嘅意图？我反而觉得，佢哋都喺无奈地照章办事，但到头嚟又俾人闹。照咁睇嚟，冲突模糊佐事件嘅焦点，令上头更加有理由，更加理直气壮称各位街坊为“不明真相”。此悲哀一。

    我只喺youtube上面睇到片段，所以唔了解事情全貌。但对我嚟讲，都净喺睇到好多人唔知喺度做紧咩。可能因为角度问题，见唔到任何标语，听唔到任何口号，我听到嘅，只喺好多人用粤语爆粗，闹阿sir。从一个旁观者嘅角度，真喺唔知道佢哋做紧乜。唔通爆粗口，喺唯一嘅诉求？此悲哀二。

    开头我举嘅例子，可能会令人误会，以为我喺指责紧幼稚园唔俾小朋友讲粤语。其实正好相反，大环境喺冇得改变嘅。喺德国嘅土耳其人，有几个喺学校可以讲土耳其话，但佢哋喺唔喺就有理由忘记自己嘅文化同语言？

    幼稚园喺公众行政单位，讲官方语言无可厚非，学校、公司、单位都喺同样道理。我心痛嘅喺，呢对父母唔知为佐咩嘢动机，竟然顺住小朋友同佢喺屋企讲普通话。“顺住”，又真喺几顺下噢！

    我讲过，我喺移民二代，我乡下喺海南。4岁嚟广州之前，我喺识讲海南话嘅。但嚟佐广州，我哋屋企就唔再讲海南话（关于此事，我都唔知点解），于是乎，我都渐渐唔识讲。而家返去海南都会俾人笑。听闻一个女仔嫁佐俾鬼佬，喺屋企坚持同小朋友讲中文（请注意，佢嘅小朋友喺混血儿），因为佢觉得德文佢哋去学校点都会学，喺屋企要讲母语。

    母语！呢个词分量好重。如果我哋自己都唔珍惜自己嘅母语，咁又点怪得人哋要禁？唔单止喺语言，仲有文化。有几个年轻人，知道出国可以带咩广州特产？广州特色喺乜？广州嘅历史有几个人可以大致讲清楚？有几多名人，喺广东籍？关于广州嘅古仔，你又讲得出几个？

    如果喺咁，又使乜人哋嚟禁？

    电台节目，可以唔听；电视节目，可以唔睇；学校讲普通话，屋企未必要顺住；推广普通话，唔喺一日两日嘅事，撑粤语，喺唔喺真喺需要咁激？所有一切，喺唔喺要等到人哋嚟禁先会有危机感？